摘要：今晚英超尾场係白礼顿对屈福特进行护级大战。屈福特同新领队尼祖皮亚臣蜜月期已过，球队打回原形，连盃赛近4场只得2和2负，而且佢哋作客唔掂，近6场联赛作客输4场，白礼顿主场出击绝对係抢分好机会，小让平半抵...
今晚英超尾场係白礼顿对屈福特进行护级大战。屈福特同新领队尼祖皮亚臣蜜月期已过，球队打回原形，连盃赛近4场只得2和2负，而且佢哋作客唔掂，近6场联赛作客输4场，白礼顿主场出击绝对係抢分好机会，小让平半抵玩。
暂列15位嘅白礼顿，其实同尾2嘅屈福特只差3分，呢场係护级6分波。白礼顿近况亦唔算太好，但上仗对韦斯咸时，作客情况下落后2粒都可以追和3比3，打起士气，老牌前锋格连梅利上仗担正仲入埋波，赛后会方即係同呢续约多1年，喺呢啲关键时候，老将嘅经验好紧要，同球队首席射手马奥比或者会有化学作用。
屈福特连败士气溃散
屈福特经过圣诞新年快车一轮抢分，曾经由包尾上番第17位，但近期无以为继，领队尼祖皮亚臣蜜月期已过，上场领先之下仲要多踢1人，最终都要反输畀爱华顿2比3，联赛2连败，估计佢哋将会继续沉沦，白礼顿有主场之利值得捧场。
