摘要：今日阿King过关重心係意甲补赛，拉素主场对维罗纳。拉素今季主场战绩骄人，强如祖云达斯都係佢哋手下败将，不过维罗纳近况唔错，而且今季作客几支强队都有波入，踢法进取唔会死守，相信今场入波唔会少，博中位数...
今日阿King过关重心係意甲补赛，拉素主场对维罗纳。拉素今季主场战绩骄人，强如祖云达斯都係佢哋手下败将，不过维罗纳近况唔错，而且今季作客几支强队都有波入，踢法进取唔会死守，相信今场入波唔会少，博中位数3.5球大盘够分头。
拉素上场联赛主场以5比1大炒史帕尔，今季11场主场联赛豪取9胜2和，当中8场攻入对手3球或以上，包括以3比1击败榜首祖云达斯，绝对有真材实料；射手恩莫比尼今季联赛入25球，当中有15球于主场射入，喺主场球迷面前表现特别醒神。维罗纳上场作客1比1逼和AC米兰，近6场联赛保持不败，依家排联赛榜第10位，成绩比上不足、比下有馀，料可放手一搏。虽然维罗纳今季联赛作客输过畀祖云达斯、国际米兰及阿特兰大等前列劲旅，不过佢哋喺上述对手身上都能入波，绝非冇还击之力，建议可进取啲拣3.5球大盘。
里昂吼半和比斯特平手笋
另外两关拣咗法甲联赛，先讲里昂主场对艾米恩斯；艾米恩斯实力、状态俱不及里昂，而且近7场作客1和6负，睇牌面好难抢分，不过佢哋呢7场作客有6场顶到半场唔输，里昂近7仗只有1场冇失波，让一球/球半上盘唔稳阵，转捧半场和仲好路。
同时间开波嘅直播赛事仲有比斯特主场对波尔多，比斯特今季各项赛事12场主场只输1次，仲係1比2仅负巴黎圣日耳门，表现唔失礼，而且两军早前喺法联盃16强碰头，比斯特主场淨胜波尔多2比0，今次再喺主场出击有力添食，平手盘捧主队。
