摘要：今晚西甲尾场前列大战，马德里体育会主场硬撼维拉利尔。马体会上周中喺欧联击败利物浦，但搏得太尽未回到气，而且近期联赛战绩欠佳，相反「黄色潜水艇」明显回勇，老将辛迪卡索拉又弗到漏油，以逸待劳下，可以喺呢场...
今晚西甲尾场前列大战，马德里体育会主场硬撼维拉利尔。马体会上周中喺欧联击败利物浦，但搏得太尽未回到气，而且近期联赛战绩欠佳，相反「黄色潜水艇」明显回勇，老将辛迪卡索拉又弗到漏油，以逸待劳下，可以喺呢场争下届欧联入场券嘅「6分波」反客为主，受让必捧让球客胜。
马体会喺上周中欧联16强首回合抢得先机，凭沙奥尼古斯初段建功，以1比0击败英超「1哥」利物浦，不过全场疯狂逼抢打法，确实消耗球员唔少体力，边有咁快回到气呀。虽然马体会坚係守得，弊在「新C朗」祖奥菲历斯未弗应该唔出得，箭头艾华路莫拉达继续习惯性失机，连续6仗食白果，攻击力疲弱问题未解决，难怪单计联赛，马体会近5仗赢得1场咁大把喇。
「再生战士」卡索拉够热血
另一边厢，维拉利尔持续复甦，儘管之前西盃意外畀乙组仔米兰迪斯踢出局，不过近14仗正式赛事，取得9胜3和2负，现时只落后马体会2分，争欧联入场券重燃希望。其中辛迪卡索拉最抵讚，呢位前几年经过多次手术、几乎要搞到截肢嘅「再生战士」，现时係今季西甲入波最多嘅中场球员，各项赛事已经入咗12粒，距离旧纪录、另一前维拉利尔中场列基美所保持嘅17球只差5粒，呢位35岁老将明白要代表西班牙出战今夏嘅欧国盃机会唔高，但佢仍未放弃。
除此之外，前锋谢拉特摩兰奴连续2仗有波入，阵中两名新星卓禾斯及柏奥托利斯亦表现突出，加上「黄色潜水艇」近6次碰头仅1败，造访搏到残嘅马体会可乘虚而入，让球客胜不容错过。
