专家拆局：法兰克福复勇追杀柏林联

周二凌晨德甲独脚戏上演中游对决，法兰克福主场对柏林联，法兰克福虽然忙于应付欧霸盃，不过首回合轻取萨尔斯堡已经为晋级奠定稳固基础，今仗延至当地周一晚踢畀到佢哋多一日时间回气，又接连喺主场出击唔使舟车劳顿，对体能恢复帮助甚大，球队歇冬后状态明显回升，强项主场出击，够赢实力渐见底嘅柏林联，黑柴推介1.82倍主胜。

法兰克福去年底因为上半季比赛负荷过重，曾经一度崩溃，喺去年最后6场联赛合共只得1分，令排名急跌，好在经过歇冬期回够气，今年表现醒番晒，3线作战5胜1和1负共轰入17球，当中以德甲同德盃双杀新贵RB莱比锡最为精彩，虽然上轮联赛作客顶唔住多蒙特嘅疯狂火力，淨吞4蛋，但该仗佢哋为留力欧霸作出一定程度轮换，输完之后返主场喺欧霸出师，凭日本攻击手鎌田大地连中三元，以4比1大炒奥地利班霸萨尔斯堡，士气同信心都返晒嚟，今轮德甲继续主场出师，有力乘胜追击。

近4交锋赢晒

柏林联係今季最硬淨嘅升班球队，不过经过去年底一轮勇态后已回落，近7场联赛输咗5场，只赢过下游嘅奥格斯堡同云达不来梅，实力有见底感觉，今仗仲有主力守将添美尔停赛，防线削弱。佢哋近年喺德盃、德乙同德甲曾经同法兰克福交手过4次，结果全部输晒共失13球，格食格下，今晚作客睇低一线。