专家拆局：布力般夫添出击斩草除根

英冠今晚上演佳节前独脚戏，布力般流浪主场迎战联赛包尾大幡韦根。布力般经历早前飘忽走势之后，近况全面回勇，尤其主场出击频频抢分；韦根今季作客脚软，打咗近半季居然仲未赢过，一于热捧主胜。

矢志重返英超嘅布力般暂排第10位，但其实只係差升班附加赛席位嘅前6几分。佢哋今场有好消息，后防主力戴历威廉斯伤愈复出，意味可夫添应战。曾执教过些路迪嘅领队莫比利，前线拥有今季已斩获9球嘅射手戴克压阵，配合德国中场贺治比，布力般锋力绝对有保障。

韦根今季作客未赢过

近10场联赛未赢过波嘅韦根，已经沦落到榜尾，护级压力沉重，呢支南部球队最大问题係今季作客未赢过波，加上大衞马素尔、梅古同基化摩亚等主力都受伤病困扰，未知几时好番，造访近4仗主场全胜嘅流浪，韦根难逃输波命运，主胜属好路之选。