专家拆局：莱比锡冲冬冠大盘格

最弗双雄埋身肉搏

德甲首循环最后一轮，今晚重头戏係「一哥」RB莱比锡主场迎战奥格斯堡，亦係两支近期状态最火热球队对撼，莱比锡赢波基本上就夺得德甲冬季冠军，奥格斯堡教头马田舒密特就话佢哋会竭尽所能打老虎，希望以今场做球队实力测试指标，喺冇压力下唔需要龟缩，黑柴深信呢场会係对攻大火併，推介中位数3.5球大盘。

莱比锡上轮作客西法伦球场，喺两球落后下逼和多蒙特3比3，显示强大韧力同后劲之馀，球队火力更冠绝德甲，近7轮联赛非但6胜1和不败，仲每仗最少都轰入对手3球，至今经过16轮已经入咗45球，仲多过班霸拜仁慕尼黑，前线大红人迪姆华拿上轮又梅开二度，同样保持连续7轮有波入，至今以18个入球直追拜仁罗拔利云度夫斯基。莱比锡目前同慕逊加柏同分，但得失球差领先11球，同日慕逊加柏要作客硬撼两连胜嘅哈化柏林，要赢超过11球可能性近乎零，所以莱比锡赢波就可以荣登冬季冠军，加上踢埋今仗就歇冬，众将当然希望赢出漂亮一仗，同主场球迷一齐庆祝。

迪姆华拿火併菲腊麦斯

不过，莱比锡今仗主胜热到冇味，亦嫌让得太多，皆因要面对近期神奇球队，季初一度沦落尾三嘅奥格斯堡，经过最近6轮5胜1和佳绩后，佢哋已经升上联赛榜中游，而且近3仗亦共取得9个入球，星级翼衞菲腊麦斯连续两仗梅开二度，弗到爆灯，今轮作客遇强敌根本全无压力，而且信心十足势同莱比锡驳火，但主力防守中场兰尼基迪拉累积5面黄牌要停赛，防线冇咗第一道屏障，难抗莱比锡一众高速锋将，黑柴相信好易开出入球骚。