摘要：走势强劲嘅英超「2哥」李斯特城，今晚主场出击斗诺域治。「狐狸」阵中球员无论默契或状态都处于巅峰，加上唔使分心欧洲赛，可以全力喺联赛搏杀，继续追赶利物浦。呢场遇上后防穿晒窿嘅诺域治，点会停下脚步？一于力...
走势强劲嘅英超「2哥」李斯特城，今晚主场出击斗诺域治。「狐狸」阵中球员无论默契或状态都处于巅峰，加上唔使分心欧洲赛，可以全力喺联赛搏杀，继续追赶利物浦。呢场遇上后防穿晒窿嘅诺域治，点会停下脚步？一于力捧李城上盘。
李城今季嘅成功之道，除咗众所周知嘅犀利进攻之外，亦在于滴水不漏嘅后防，「狐狸」联赛至今只係失咗10球，係英超后防最硬淨嘅球队，比起「1哥」利物浦仲要失少4球，加上出色嘅入球数字，令李城得以坐拥「+29」嘅联赛最佳得失球差成绩。
华迪脚风顺到爆
除咗苏恩古同庄尼伊云斯呢对中坚够稳阵之外，做好中场屏障一职嘅尼迪迪亦係功不可没，畀老将占美华迪为首嘅一班前场攻击手可以无后顾之忧压上抢士哥，呢位32岁前锋射术愈老愈精湛，连续8场联赛有斩获，当弗到咁，一般对手可以根本无力阻到佢。
相反，客队诺域治至今失咗34球，係英超失球数第2多球队，首席门将告鲁尔嘅独门绝技係扑救12码，但运动战中嘅把关能力认真麻麻，领队丹尼尔法基如果再唔改变佢哋重攻轻守嘅踢法，好难同状态大勇嘅李城对撼，即使李斯特城让1.5/2球，上盘依然值博。
