摘要：煞科战分途出师今晚欧国盃外围赛B组煞科关键战，上届盟主葡萄牙作客弱旅卢森堡。「2哥」葡军依家只领先塞尔维亚1分，两队分途出击，为争出线「2个只能活1个」，好彩队长C朗上仗又「戴帽」，弗到冇朋友，只差2...
煞科战分途出师
今晚欧国盃外围赛B组煞科关键战，上届盟主葡萄牙作客弱旅卢森堡。「2哥」葡军依家只领先塞尔维亚1分，两队分途出击，为争出线「2个只能活1个」，好彩队长C朗上仗又「戴帽」，弗到冇朋友，只差2粒就喺葡军达到百球里程碑，今仗赢波即出线，目标鲜明，遇弱一定冇留手，让2球亦冇有怕，直取让球客胜。
C朗冲百球葡军势炒鱼腩
先讲讲B组形势，榜首嘅乌克兰已提早夺得首名晋级，因此呢组只剩番葡萄牙同塞尔维亚争逐次名出线，现时外号「航海家」嘅葡萄牙，虽然仅领先1分，幸好今仗作客弱旅卢森堡，只要赢波就毋须理会塞尔维亚嗰边嘅战果，肯定晋级，所以战意唔使怀疑。近期备受伤患困扰嘅葡军射手C朗，上仗狂数立陶宛6比0之役连中三元，唔单止係佢职业生涯第55次「戴帽」，亦令佢喺葡萄牙累积98球，只差2球便踏入100大关，老而弥坚，造访6连败嘅冇骨鱼腩、排尾2嘅卢森堡，呢位队长必尽情数胡，随时超越百球大关，带领衞冕嘅葡军杀入下年决赛周，就算让2球亦照捧让球客胜。
塞尔维亚同乌克兰大驳火
同时间开波嘅另一场B组赛事，塞尔维亚主场迎战乌克兰。塞尔维亚想出线除咗自己要赢之外，同时亦要望葡萄牙失分，不过冇得谂咁多，尽地一煲必抢攻，射手阿历山大米祖域上仗险胜卢森堡3比2又省两粒，喺今届欧国外已累积9球，仲有杜辛泰迪治及拿积后上支援，难怪近6仗欧国外全开3球或以上，火力全开，乌克兰今仗有史宾安高停赛，辛真高因伤退队，防守削弱，但既然已经出线，唔怕同你斗攻，2.5球嘅入球大更值博。
