专家拆局：都灵打吡祖记慢热吼半和

今晚意甲尾场上演都灵打吡，「1哥」祖云达斯作客同市死敌拖连奴。虽然祖记啱啱度过122周年「牛一」，但佢哋往往入局慢，而且拖连奴主场出击坚硬淨，初段随时处于胶着，半场和值得追多铺。

寻日（11月1日）係祖记创会122年周年纪念日，仲养紧伤嘅队长基亚连尼豪言，要连赢10季联赛冠军兼捧欧联，不过呢支已连续8季喺国内封王嘅班霸，今季加入不少新兵，整体默契仍有待提升，而且过于自信，初段总係有啲轻敌。好以刚周中联赛快车主场迎战热拿亚险胜2比1，都要去到补时先绝杀对手，前仗作客被弱旅莱切逼和1比1，总计近8场联赛取得6胜2和，其中5场胜仗均只係赢1粒，对于一支有C朗压阵嘅劲旅嚟讲，咁嘅表现真係唔合格。

拖连奴主场够硬淨

拖连奴整体质素虽唔及祖记，但主场出击战力有一定保证，近3场联赛主场未输过之馀，当中更曾赛和另一劲旅拿玻里0比0，今场遇上牌面及实力更强嘅同市死敌，预计会踢得更保守。何况祖记例牌慢热，近8场联赛有7次开半场和，若计埋欧联，近11仗有8次开半场和，嚟紧周中又有欧联作客莫斯科火车头嘅后顾之忧，今仗或有所保留，初段未必咬得入硬淨兼有地利嘅拖连奴，半场和不妨再追。