专家拆局：ＡＣ史帕尔抢Ｗ大战

今晚意甲快车独脚戏，褪色劲旅AC米兰主场硬撼史帕尔。AC今季立立乱，新帅皮奥利虽然未执掂队波，但急于开斋一定主动抢攻，作客嘅史帕尔亦要抢分护级，今场捧入球大更上算。

贵为传统劲旅，AC近年战绩令人失望，今季为重建仲特登放弃打欧霸盃，想专心打好联赛，点知开季表现未如理想，头7仗联赛赢得3场，如今跌到落联赛中下游，搞到今夏先执教嘅教头甘柏路即时被炒，依家要搵「救火专家」皮奥利帮拖。但皮帅似乎仍未谂到计点执，首仗两度领先下都畀莱切逼和2比2，上仗作客更加以1比2输畀罗马，睇得出佢打法偏重进攻。依家AC攻击更为流畅，可惜未能做到攻守平衡，变得入得又失得，由于领军两仗都未尝一胜，为求开斋，今次主场遇弱一定抢攻。

近3次交锋轰12球

排联赛尾2嘅史帕尔当然唔係好货色，单计作客已4连败，但查实佢哋只係落后AC米兰3分，如果今仗赢波，随时可以拖埋AC落水，预计今场为抢分护级唔会缩。翻查纪录，两军近3次交手，合共炮製12个士哥，打得非常开放，加上AC近5仗全开3球或以上，斗攻格局捧大盘冇衰。