摘要：今晚英超「伦敦打吡」阿仙奴主场迎战水晶宫。「兵工厂」上场联赛3分尽失，好彩射手拿卡锡迪可望担正上阵，同好拍档奥巴美扬合作攻坚，加埋刚喺欧霸起孖嘅尼高拉斯比比，火力全开。而且阿仙奴同水晶宫近年碰头演惯入...
今晚英超「伦敦打吡」阿仙奴主场迎战水晶宫。「兵工厂」上场联赛3分尽失，好彩射手拿卡锡迪可望担正上阵，同好拍档奥巴美扬合作攻坚，加埋刚喺欧霸起孖嘅尼高拉斯比比，火力全开。而且阿仙奴同水晶宫近年碰头演惯入球骚，一于吼实中位数3.5球入球大。
阿仙奴今季表现主强客弱，近4场联赛作客未赢过，包括上场0比1不敌升班球队锡菲联。痛失3分之馀，领队艾美利都备受抨击，为力争前4欧联席位，「兵工厂」返主场必望打翻身战。事实上阿仙奴喺酋长球场发挥可靠，单计联赛今季4次主场获3胜1和佳绩。今季重磅收购尼高拉斯比比上仗欧霸踢出身价，尾段两个靓罚球带领球队反胜甘马雷斯，信心返晒嚟，配合埋前线双箭奥巴美扬及拿卡锡迪，只要搵到默契，呢个「阿仙奴版三叉戟」火力唔讲得笑。
近4次交锋至少有4粒
作客嘅水晶宫喺老帅鹤臣带领下，今季令人眼前一亮，现时只落后今场对手阿仙奴1分，其中进攻核心韦费特沙夏今夏转会唔成，表现虽有所回落，好在仲有佐敦阿休同安祖斯唐辛等人分担火力，况且水晶宫近年对亲阿仙奴都战意十足，经常斗攻，近4次交手就全开4球或以上，今仗中位数3.5球嘅大盘有2.3倍够和味。
