推荐预测：FC悉尼主场献细

冲出澳职未威过

今日下昼有亚冠盃H组赛事，由澳职「1哥」FC悉尼主场迎战韩职班霸全北汽车。虽然FC悉尼于国内联赛放到甩辘，但出到洲际赛事难登大雅之堂，全北汽车未开咧状态成疑之馀，仲有两大中后场主力坐波监，预计两军交锋都唔敢轻举妄动，捧2.5球嘅入球细最划算。

贵为澳职劲旅，FC悉尼坐拥鲍祖汉、巴巴路西斯及方祖等勐将，目前于国内联赛高踞榜首，远远抛离其他对手。不过悉尼係典型山寨王，每次出战洲际赛事即现晒形，近6场亚冠盃仅得2和4负，包括今届首战惨吞横滨水手4蛋。睇番悉尼上次于亚冠盃赢波，已经係两年前嘅事，近两届均喺分组赛出局，战绩令人失望，加上日前联赛打吡战爆冷输畀西悉尼流浪者，唔多唔少影响信心，就算今场有主场之利，亦唔敢贸然抢攻。

全北汽车冇态唔齐脚

另一边厢，全北汽车受到疫情困扰，原定日前开咧嘅联赛亦宣布延期，对备战大受影响。呢支韩职班霸虽然係亚冠盃常客，可惜今届首战即落笔打三更，不但于主场以1比2输畀横滨水手，仲有后衞李鎔及中场孙准浩齐齐做「红牌阿姑」，今场要停赛，人脚不整兼状态未足，客场出击难免会先求稳阵。翻查纪录，悉尼近6次亚冠盃面对韩职球队，有5次开2球或以下，今场2.5球嘅细盘有2倍咁好分，值得捧场。