专家拆局：冰岛法国再开入球骚

今晚另一场重头戏係H组法国作客斗冰岛。现排小组第2嘅法国正遭受土耳其、冰岛前后夹击，为保前2不容有失；冰岛出线形势告急，主场出击亦须抢攻求3分，双方近5次交锋总入球全开3球或以上，捧2.5球大盘最稳阵。

法国虽然贵为应届世盃冠军，不过喺今届欧国外成绩未算一面倒，踢咗6场分组赛5胜1负，暂与土耳其同得15分、因对赛成绩不及对手排第2，而且法国只比冰岛多3分，如果今场输波就会被冰岛追至同分，唔可以放软手脚。上轮国际赛养伤缺阵嘅前锋基利安麦巴比及中场尼高路简迪已伤愈归队，中前场入球能力唔需要担心，不过队长门将洛里斯上周末喺联赛受重伤，加上乌姆迪迪、拿朴迪两大中坚因伤倦勤，后防充满隐忧；睇番法国今届欧国外斗摩尔多瓦、阿尔巴尼亚等弱旅都有失波，对冰岛再失一啲都唔奇。

近5交手总入球至少4粒

冰岛目前3分落后土耳其及法国排第3，争入头2名出线仍未绝望，由于冰岛馀下赛程仲要作客土耳其，今场斗法国有主场之利更加要搏尽，唔可以主守。冰岛近年斗法国虽然输多赢少，不过近5次交手只有1次食白果，其馀4次喺法国身上一共射入8球，5场全部至少有4球交收，今场随时再演入球骚。