摘要：赢即出线小将争功2020欧国盃外围赛A组上演榜首大战，「1哥」英格兰作客斗「2哥」捷克。4战全胜嘅英格兰今场只要赢波便可取得决赛周入场券，目前英格兰人才过剩，球员有机会落场都要搏尽争取表现，佢哋今届4...
赢即出线小将争功
2020欧国盃外围赛A组上演榜首大战，「1哥」英格兰作客斗「2哥」捷克。4战全胜嘅英格兰今场只要赢波便可取得决赛周入场券，目前英格兰人才过剩，球员有机会落场都要搏尽争取表现，佢哋今届4场分组赛赢波都喺上半场领先，由头赢到尾，今场客W只得1.45倍冇肉食，让一球、球半又略嫌太多，建议捧1.95倍半场客胜。
英格兰今届欧国外已经先后对过同组其馀4支对手，结果4场皆以2球差距赢波，实力明显大超班，依家佢哋4战得12分排第1，领先多踢1场嘅捷克3分，由于同分先计对赛成绩，只要英格兰今场赢波，捷克得番2场比赛已经肯定超越唔到英格兰，「三狮兵团」可以稳夺头2名直接出线。
英格兰近年新星涌现，除咗一直保持稳定入球率嘅哈利卡尼及史达宁，过去一年查顿辛祖、迪格兰赖斯及阿历山大阿诺特亦先后掘起，今季喺英超掀起「青春风暴」嘅车路士今次更有4名球员入选，包括首获徵召嘅前锋谭美阿巴谦及中坚汤姆利，反而去年协助英军杀入世盃4强嘅主力，包括迪利阿里及艾历迪亚因为状态不足被弃用，证明目前「三狮兵团」争位情况激烈，球员落场定必施展浑身解数争取表现。
捷克青黄不接难睇好
捷克对上3届欧国盃有2次分组赛出局，2006世盃后亦已连续3届缺席决赛周，明显处于青黄不接期；捷克首循环作客英军大败0比5，就算主场出击亦唔值得睇好，不过考虑到英格兰一对正选中坚哈利马古尼及米克坚尼，今季喺球会表现唔算稳阵，加上英军上轮对科索沃后防亦失咗3球，今次作客让一球、球半有风险，既然英格兰4场分组赛赢波都喺上半场早早领先，今场转捧1.95倍半场客胜仲抵玩。
